पणजी: बेपत्ता सिद्दीकी याचा व्हिडिओ विरोधकांकडे कसा पोहोचला? तो पळून जातो आणि त्याचवेळी व्हिडिओ मिळालेले अमित पालेकर विदेशात जातात, याचा संबंध काय? या प्रकरणाची चौकशी झाली पाहिजे. सरकारला लक्ष्य करण्यासाठी या व्हिडिओची कल्पना कुणाची याचीही चौकशी व्हावी, अशी मागणी भाजपने आज केली.
पणजी (Panaji) येथील पक्षाच्या कार्यालयात आमदार दाजी साळकर, प्रदेश सचिव सिद्धेश नाईक आणि प्रवक्ते गिरिराज पै वेर्णेकर यांनी पत्रकार परिषद घेतली. साळकर म्हणाले, सुलेमान हा देववाणी असलेली व्यक्ती असावी, अशा आविर्भावात विरोधकांनी त्याला डोक्यावर घेतले आहे. त्याच्याविरोधात अनेक गुन्हे आहेत. अशा व्यक्तीवर विश्वास तरी का ठेवावा?
पळालेल्‍या सिद्दीकीला व्हिडिओ काढ, असे कोणी सांगितले? नेमका तो व्हिडिओ पालेकर यांच्याकडे पोहोचला कसा? त्याचवेळी ते विदेशात जाण्यास निघतात, हा निव्वळ योगायोग आहे का?
पालेकर यांनी विदेशात जात असल्याने व्हिडिओ आपचे आमदार किंवा प्रवक्त्याकडे न देता काँग्रेसच्या (Congress) कवठणकर यांच्याकडे का दिला? पालेकरांना आपल्या पक्षाच्या नेत्यांवर विश्वास नाही?
व्हिडिओ काढणाऱ्या व्यक्तीची विश्वासार्हता काय? आरोपांची चौकशी व्हावी; पण सिद्दीकी सापडला पाहिजे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.