आगोंद: चार दिवसांपासून मडगाव येथील खासगी इस्पितळात मृत्यूशी झुंज देणाऱ्या आगोंद-काणकोण येथील शेनोय फर्नांडिस या बारावी इयत्तेत शिकणाऱ्या विद्यार्थ्याचा सोमवारी उपचार सुरू असताना निधन झाले. मंगळवारी 19 रोजी आगोंद येथील सेंट एनिस चर्चच्या दफनभूमीत दुपारी अडीच वाजता मृतदेहावर अंत्यसंस्कार करण्यात येणार आहेत.
याबाबत माहिती अशी की, चाररस्ता श्री मल्लिकार्जुन उच्च माध्यमिक विद्यालयात बारावी इयत्तेत शेनोय फर्नांडिस शिकत होता. लोलये येथील आपल्या आत्याकडून निरोप घेऊन एका मित्रासमवेत स्वत:च्या घरी बुधवारी 13 रोजी तिन्हीसांजेला परतत असताना दुचाकीला अपघात झाला. या अपघातात त्याला गंभीर दुखापत झाल्याने त्याच्यावर मडगाव इस्पितळात उपचार सुरू होते. मित्राला किरकोळ मार लागला होता.
त्याच्या अकाली जाण्यामुळे आगोंदर येथे हळहळ व्यक्त करण्यात येत आहे. त्याच्या पश्चात आई - सेल्फा, वडील - केजी, लहान दोन भाऊ, काका, काकी असा परिवार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
