गोवा शालांत मंडळाने मार्चमध्ये घेतलेल्या दहावीच्या परीक्षेचा निकाल उद्या (बुधवारी, 15 मे) रोजी संध्याकाळी 5:30 वा. जाहीर केला जाणार आहे. मंडळाचे अध्यक्ष भगिरथ शेट्ये यांनी याबाबत माहिती दिलीय. यावर्षी परीक्षेला 19,557 परीक्षार्थी विद्यार्थी बसले आहेत.
विद्यार्थ्यांना मंडळाच्या result.gbshsegoa.net या संकेतस्थळावर निकाल पाहता येईल. यासह डिजिलॉकर आणि भारत शासनाच्या संकेतस्थळावर देखील निकाल उपलब्ध होईल. 17 मे दुपारी दोनपासून service1.gbshse.in या संकेतस्थळावरुन शाळांना निकालपत्र डाऊनलोड करता येईल.
गोवा माध्यमिक आणि उच्च माध्यमिक शिक्षण मंडळाच्या वतीने 01 ते 24 एप्रिल या कालावधीत दहावीची परीक्षा घेण्यात आली होती. राज्यातील 31 केंद्रावर झालेल्या या परीक्षेला एकूण 19,557 विद्यार्थी बसले होते, यात 9,743 मुले आणि 9,814 मुलींचा समावेश होता.
याशिवाय 242 फेर परीक्षा देणारे आणि 385 आयटीआय विद्यार्थ्यांचा समावेश होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.