Goa Accidental Death: खांडोळा येथे क्रिकेट खेळताना हृदयविकाराच्या धक्क्याने युवकाचा दुर्दैवी मृत्यू

Goa Accidental Death: जाईडवाडा खांडोळा येथील रोहिदास नाईक ( वय 52 ) या विवाहित इसमाचे क्रिकेट खेळत असताना अचानक हृदयविकाराच्या झटक्याने निधन झाल्याची धक्कादायक घटना समोर येतेय.

खांडोळा येथील मैदानावर क्रिकेट सामन्यांचे आयोजन करण्यात आले होते. यावेळी रोहिदास नाईक या खेळात सहभागी झाला होता. खेळ सुरू असताना क्षेत्र रक्षण करण्यासाठी उभा असलेला दुपारी पाऊणच्या दरम्याने अचानक मैदानावर कोसळला.

त्याला लागलीच धावपळ करून बेतकी आरोग्य केंद्रात उपचारासाठी दाखल केले असता डॉक्टरांनी त्याला मृत घोषित करण्यात आले.

हृदयविकाराच्या झटक्याने त्याचे निधन झाल्याचे डॉक्टरांनी घोषित केले. रोहिदास नाईक हा खाजगी आस्थापनात कामाला होता.

त्याच्या पश्चात पत्नी आई तसेच तीन विवाहित बहिणी आहेत. मनमिळाऊ स्वभावाच्या रोहिदास नाईक याच्या आकस्मिक निधनामुळे परिसरात हळहळ व्यक्त करण्यात येत आहे.