मडगाव: दक्षिण गोव्यातील पर्यटकांचे आवडते ठिकाण असलेल्या उत्तर्डा बीचवरील 'जॅमिंग गोट' या शॅकला रविवार (दि.२१) पहाटे अचानक आग लागली. ही आग इतकी भीषण होती की, काही वेळातच संपूर्ण शॅक आगीच्या विळख्यात सापडला, मात्र अद्याप या आगीचे नेमके कारण अद्याप स्पष्ट झालेले नाही.
'जॅमिंग गोट' हे केवळ एक सामान्य बीच शॅक नसून ते आपल्या खास खाद्यसंस्कृतीसाठी प्रसिद्ध होते. सामान्य शॅक्सच्या तुलनेत येथे मिळणारे वेगळे आणि चविष्ट पदार्थ, उत्कृष्ट कॉकटेल आणि मनमोहक वातावरण यामुळे पर्यटकांमध्ये या शॅकची मोठी क्रेझ होती. विशेषतः या शॅकचे रूफटॉप सीटिंग आणि थीमवर आधारित सजावट पर्यटकांना आकर्षित करत असे
लॉइड्स बीच शॅकच्या शेजारीच असलेल्या या शॅकला पहाटे आग लागल्याचे समजताच परिसरात एकच खळबळ उडाली. अग्निशमन दलाच्या गाड्या घटनास्थळी पोहोचेपर्यंत आगीने रौद्र रूप धारण केले होते. या आगीत शॅकचे फर्निचर, स्वयंपाकघरातील साहित्य आणि इतर मौल्यवान वस्तूंचे मोठे नुकसान झाले आहे.
सुदैवाने, ही घटना पहाटे घडल्याने शॅकमध्ये कोणीही ग्राहक नसल्याची शक्यता आहे. जीवितहानी झाल्याचे तपशील अद्याप समोर आलेले नाहीत. अग्निशमन दलाने अथक प्रयत्नांनंतर आगीवर नियंत्रण मिळवले. आता पोलीस आणि अग्निशमन विभागाकडून आगीच्या नेमक्या कारणांचा शोध घेतला जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.