Goa Sand Extraction: इशारा दिला; पण होड्यांवर कारवाईसाठी अधिकारी फिरकलेच नाहीत...

न्हयबाग-पेडणे येथे बेकायदा रेती उपसाप्रकरणी होड्यांवरील कारवाईबाबत गूढ
Goa Sand Extraction
Goa Sand ExtractionDainik Gomantak

Goa Sand Extraction: बेकायदा रेती उपसाप्रकरणी ताब्यात घेतलेल्या होड्यांपैकी गजानन तेली यांच्या मालकीची होडी खाण व उद्योग खात्याच्या अधिकाऱ्यांनी मंगळवारी संध्याकाळी न्हयबाग येथे तोडली होती.

अशाच प्रकारे ताब्यात घेतलेल्या अन्य होड्यांवर आज (27 रोजी) कारवाई करणार असल्याचा इशारा अधिकाऱ्यांनी दिला होता.

पण प्रत्यक्षात आज खाण व उद्योग खात्याचे अधिकारी फिरकलेच नसल्याने मंगळवारी गजानन तेली यांच्या एकाच होडीवर कारवाई का केली, असा प्रश्न स्थानिक लोक विचारत आहेत.

खाण व उद्योग खात्याचे अधिकारी बुधवारी दुपारी 3 वाजता पोलिस संरक्षणात उर्वरित 25 होड्या तोडणार, असे कालच जाहीर केले होते.

Goa Sand Extraction
Julio Ribeiro: पंतप्रधान मोदींचा ख्रिसमस संदेश केवळ ख्रिश्चन मतांसाठी...

कारवाईची टांगती तलवार कायम

मंगळवारी संध्याकाळी खाण व उद्योग खात्याच्या अधिकाऱ्यांनी गजानन तेली यांच्या मालकीची होडी मोडली होती. त्यामुळे अन्य होडीधारकांमध्ये भीतीचे वातावरण पसरले आहे.

खाण व उद्योग खात्याचे अधिकारी केव्हा येऊन कारवाई करतील, याची शाश्वती नसल्याने कारवाईची टांगती तलवार आमच्या माथ्यावर आहे.

या अधिकाऱ्यांनी जरी आज येऊन कारवाई केली नसली तरी आजचे मरण उद्यावर ढकलण्यासारखा हा प्रकार आहे, असे मत रेती व्यावसायिकांनी व्यक्त केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com