Pedne Special Children's Festival: खेळात हरलात तरी, इतरांची मने जिंका

जीवनात नेहमी प्रतिस्पर्ध्यांचा आदर करावा. कारण इथे प्रत्येकाला जिंकायचं असतं, खेळात हरलात तरी इतरांची मने जिंका, असे आवाहन नवचेतना युवक संघाचे अध्यक्ष कृष्णा पालयेकर यांनी केले.गोवा समग्र शिक्षा पेडणे विभाग आयोजित विशेष मुलांच्या क्रीडा महोत्सवात प्रमुख पाहुणे या नात्याने ते बोलत होते.

भागशिक्षणाधिकारी छाया पेडणेकर, शिक्षिका शांती किनळेकर, श्रद्धा ठाकूर, स्नेहा नारूलकर, पुनम तिळवे, बापू नाईक आरोंदेकर, विनोद मळीक, प्रशिदा नाईक आदी उपस्थित होते.

पालयेकर पुढे म्हणाले की, विशेष मुलांना कोणतीही गोष्ट अशक्य नाही. ते काहीही साध्य करू शकतात. प्रास्ताविक प्रशिदा नाईक यांनी केले. सूत्रसंचालन प्रफुल्लता पवार यांनी केले तर तृप्ती कोरगावकर यांनी आभार मानले.