Canacona Road Accident: राज्यात रस्ते अपघातांचे प्रमाण वाढत असून वाहन चालकांचा वाहनांवरील ताबा सुटणे, अपघात प्रवण क्षेत्रे तसेच धोकादायक वळणांवर सुरक्षा कठडे नसणे आणि रस्ते अपघात रोखण्यात प्रशासनाचे होत असलेले दुर्लक्ष हीच करणे समोर येत आहेत. काणकोण माशे येथे रविवारी सकाळच्या सुमारास एक अपघात झाल्याची माहिती हाती येतेय.
माशे काणकोण येथे एका दुचाकीचा भीषण अपघात झाला असून या अपघातात दिया दिगंबर नाईक नामक 20 वर्षांची युवती जागीच मृत्युमुखी पडल्याचे धक्कादायक वृत्त समोर आले आहे.
या अपघाताविषयी मिळालेल्या माहितीनुसार दिया नाईक आणि रोहन पाटील (दोघेही मूळ रा. कर्नाटक) वेर्णाहून कर्नाटकला जात होती.
यावेळी सदर दुचाकी घटनास्थळी पोहोचताच तोल जाऊन घसरली आणि दुचाकीवरील दिया नाईक ही रस्त्यानजीकच्या विजेच्या खांबाला जाऊन आदळली.
दिल्याचे डोके खांबाला धडकल्याने तिचा जागीच मृत्यू झाला तर रोहन पाटील हा जखमी झालाय. या रस्त्यांवरून नेहमी मासे वाहतूक करणाऱ्या गाड्या जात असून हा चढणीचा रस्ता असल्याने गाड्यांमधील पाणी रस्त्यावर पसरत असते.
या आधीही या सांडलेल्या पाण्यावरून गाड्या घसरून अपघात झाले होते. यावेळीही दिया नाईक आणि रोहन पाटील यांची KTM बाईक याच पाण्यावरून घसरल्याचे स्थानिकांनी सांगितले.
या घटनेचा पुढील तपास पोलीस करत असून राज्यातील वाढत्या अपघातांबद्दल चिंता व्यक्त केली जातेय.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
