Mayem News : महामाया हायस्कूलच्या वतीने ‘बाल आनंद मेळावा’ उत्साहात

Mayem News :

मये, श्री महामाया हायस्कूलच्या वतीने शाळा समूहात येणाऱ्या शाळांसाठी ‘बाल आनंद मेळावा’ आयोजित करण्यात आला होता.

यावेळी श्री महामाया प्राथमिक विद्यालय व सरकारी प्राथमिक शाळा केळबाईवाडा-मयेच्या इयत्ता पहिली ते चौथीपर्यंतच्या विद्यार्थ्यांची उपस्थिती होती.

बाल आनंद मेळाव्यात विद्यार्थ्यांसाठी उत्कृष्ट अशा तीन कार्यशाळा आयोजित करण्यात आल्या. कार्यशाळेचे पहिले सत्र योगाचे होते. त्यासाठी संसाधन व्यक्ती सुनीता नाईक होत्या. दुसरे सत्र पेंटिंगचे होते व त्यासाठी संसाधन व्यक्ती हर्षा कवठणकर व तिसरे सत्र क्राफ्ट व त्यासाठी संसाधन व्यक्ती शिक्षिका मोनाली आरोंदेकर होत्या.

शाळा समूहात येणाऱ्या शाळांसाठी घेतलेल्या विविध स्पर्धा म्हणजे वेशभूषा, पाढे पाठांतर, चित्रकला स्पर्धा व एक मिनट भाष्य स्पर्धेचे बक्षीस वितरण करण्यात आले. त्यानंतर सम्राट क्लब मयेद्वारा पहिल्या पाच उत्कृष्ट पेंटिंगला प्रमाणपत्र देण्यात आले.

त्यानंतर राष्ट्रीय स्तरावर विज्ञान प्रकल्पात निवड झाल्याबद्दल शिक्षिका सृष्टी साळकर व विद्यार्थी साईश नाईक, सोहम चोडणकर, अदिती चोडणकर, समृद्धी पणजीकर व अनुष्का रावळ यांचा सत्कार करण्यात आला.