गोव्यात आज (07 मे) दोन लोकसभा जागांसाठी मतदान सुरु असून, दुपारी तीन वाजेपर्यंत 61.39 टक्के मतदान झाले आहे. पैकी उत्तर गोव्यात 61.28 टक्के तर दक्षिण गोव्यात 61.50 टक्के मतदानाची नोंद झालीय.
सायंकाळी सहा वाजेपर्यंत मतदान सुरु राहणार असून, आता मतदानासाठी केवळ दोन तास शिल्लक आहेत.
राज्यातील तापमानाचा चढता पारा लक्षात घेता सकाळीच राज्यातील मतदारांनी मतदान केंद्रावर मतदानासाठी हजेरी लावली. सकाळी नऊपर्यंत दोन्ही मतदारसंघात मिळून एकूण 13.02 टक्के मतदानाची नोंद झाली. तर, अकरापर्यंत एकूण 30.90 टक्के मतदान झाले. यात उत्तेरत 30.31 तर दक्षिणेत 31.56 टक्के मतदानाची नोंद झाली.
दुपारी एकपर्यंत राज्यातील मतदान टक्केवारीचा आकडा पन्नासच्या जवळ पोहोचला. दुपारी एकपर्यंत 49.04 टक्के मतदान नोंदविण्यात आले. यापैकी उत्तर गोव्यात 48.88 तर दक्षिणेत 49.20 मतदानाची नोंद झाली.
आयोगाने प्रसिद्ध केलेल्या ताज्या आकडेवारीनुसार, दुपारी तीन वाजेपर्यंत राज्यात एकूण 61.39 टक्के मतदानाची नोंद झाली. यापैकी उत्तर गोव्यात 61.28 टक्के तर दक्षिण गोव्यात 61.50 टक्के मतदानाची नोंद झाली.
दरम्यान, मतदानासाठी आता केवळ दोन तास उरले असून, उन्हाचा तडाखा देखील कमी झाल्याने मोठ्या प्रमाणावर मतदार मतदान केंद्रावर दाखल होत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
