Goa Police: राजस्थान येथील कुख्यात गुन्हेगाराला गोव्यात अटक; कळंगुट पोलिसांची कारवाई

Goa Police एका गंभीर गुन्ह्यात सहभागी असलेल्या राजस्थानमधील सराईत गुन्हेगारास कळंगुटमध्ये अटक केली व राजस्थान पोलिसांच्या हवाली केले.

सलमान उर्फ शफीक मोहम्मद (३२) असे या संशयिताचे नाव आहे. संशयित गोव्यात पर्यटक म्हणून आला होता. राजस्थानमध्ये बंदुकीच्या साहाय्याने एकाला गंभीर जखमी केल्याचा गुन्हा त्याने केला. त्यामुळे राजस्थान पोलिस त्याच्या मागावर होते.

संशयिताविरुद्ध नयापूर पोलिस स्थानक, कोटा सिटीमध्ये याप्रकरणी आधीच गुन्हा नोंद आहे. या गुन्ह्यानंतर संशयित फरार होता.

त्याला कळंगुट पोलिस निरीक्षक परेश नाईक, उपनिरीक्षक अक्षय पार्सेकर, हेडकॉन्स्टेबल प्रशांत चोपडेकर, कॉन्स्टेबल विद्यानंद आमोणकर, गणपत तिळोजी, अमिर गरड, विजय नाईक व भगवान पालयेकर या पथकाने पकडून राजस्थान पोलिसांच्या हवाली केले.