Untimely Rain In Goa: कालपासून (सोमवार) राज्यभरात अवकाळी पावसाने आपली हजेरी लावली आहे. राज्‍याच्‍या विविध भागांत आज सोमवारी रात्री पावसाच्या सरी कोसळल्या. पेडणे शहरात सुमारे वीस मिनिटे मोठ्या प्रमाणात पाऊस पडून रस्त्यावर सगळीकडे बरेच पाणी झाले.
तसेच पणजी आणि शहराच्या नजीकच्या भागातही बारीक सरी कोसळल्या. इतर काही भागात मात्र तुरळक पाऊस झाला. अचानक पडलेल्या पावसामुळे दुचाकीस्वारांची धांदल उडाली व जवळच्या इमारतीत, आस्थापनांचा आश्रय घ्यावा लागला. या पावसामुळे उष्णतेपासून मात्र काही प्रमाणात दिलासा मिळाला.
मात्र यामुळे साथीचे रोग वाढले आहेत. राज्यभरात ताप आणि सर्दीचे रुग्ण वाढले असून नागरिकांना सतर्कतेचा इशारा देण्यात आला आहे. दरम्यान, मडगावमध्ये पुन्हा डेंग्यूचे रुग्ण आढळून आले आहेत.
त्यातच वातावरणातील बदलांमुळे आजारांमध्ये वाढ होताना दिसत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.