Prostitution in Goa: वेशावस्ती सुरू करण्याची मागणी दुर्दैवी - पांडे

Goa Red Light Area:  पुरुषांची लैंगिक भूक भागविण्यासाठी वेश्यावस्ती सुरू करण्याची मागणी दुर्दैवी असून अशी मागणी करणाऱ्या कार्यकर्त्यां महिलांच्या उत्कर्षासाठी काम करणाऱ्या आहेत का? असा सवाल बायणा वेश्या वस्तीतील वेश्यांचे पुनर्वसन करण्यासाठी काम करणाऱ्या 'अर्ज' या संघटनेचे अध्यक्ष अरुण पांडे यांनी केला आहे.

राज्यातील लैगिंक अत्याचार आणि वेशा व्यवसाय यांचा एकमेकाशी कसलाही संबंध नाही. बायणा वेश्यावस्ती पाडल्यानंतर वास्को शहरात बलात्कार वाढल्याचे कधीही दिसून आलेले नाही.

उलट वास्कोत हा व्यवसाय नियंत्रणात आला असून बार्देस तालुक्यात तो वाढला आहे हे लक्षात आले आहे.

वेश्याकडे जाणारे बहुतेक पुरुष विवाहित असतात त्यामूळे लैंगिक भूक भागविण्यासाठी ते वेश्याकडे जातात या तर्कात काही तथ्य नाही आणि नागरी वस्तीतील स्त्रिया सुरक्षित राहाव्यात यासाठीच वेश्यानी आपली शरीरे विकवित अशी मागणी करण्यातही काही अर्थ नाही असे पांडे यांनी म्हटले आहे.