Waste Management: गोव्यात दररोज 3,824 किलो जैववैद्यकीय कचऱ्यावर प्रक्रिया; आकडेवारी आली समोर

पणजी: राज्‍यात दररोज ३८२४.३५ किलो जैववैद्यकीय कचऱ्यावर प्रक्रिया केली जाते. राज्यातील ८३ रुग्णालये व नर्सिंग होममध्ये ५४७८ खाटा असून, तेथून रोज ३४१५.३३ किलो, तर बिगरखाटांच्या आरोग्य संस्थांतून ४०९.०२ किलो कचरा निर्माण होतो.

राज्यात ५६२ क्लिनिक व दवाखाने, ४५ पशुवैद्यकीय संस्था आणि १०७ पॅथॉलॉजिकल प्रयोगशाळा आहेत. कुंडई येथील सामायिक जैववैद्यकीय कचरा प्रक्रिया सुविधा ऑक्टोबर २०२१ पासून कार्यरत आहे.

प्रक्रिया केलेल्या कचऱ्यापैकी २७१२.३० किलो कचरा दररोज अधिकृत पुनर्वापर केंद्रांकडे विल्हेवाटीसाठी पाठविला जातो, अशी माहिती मासिक प्रगती अहवालात देण्यात आली आहे.