Ponda Accident: गोव्यात सध्या रस्ते अपघातांचे प्रमाण दिवसेंदिवस वाढत असून फोंड्याकडे निघालेल्या एका प्रवासी बसला अपघात झाल्याची माहिती समोर येतेय. डिचोलीहून ही बस प्रवासी घेऊन फोंड्याला येत होती.
केरयान खांडेपार येथे आल्यावर बस चालकाचा गाडीवरील ताबा सुटल्याने बस रस्त्यालगतच्या छोट्याश्या खंदकात कलंडली. या घटनेत तिघे प्रवासी किरकोळ जखमी झाले असून त्यांना उपचारासाठी फोंडा जिल्हा रुग्णालयात दाखल करण्यात आले असल्याची माहिती प्राप्त झाली आहे. याघटनेचा पंचनामा करण्यात आला कि नाही या संबंधी माहिती प्राप्त झाली नाही.
दरम्यान मंगळवारी रात्री साखळी-हाऊसिंग बोर्ड नजीक भरधाव कारने बुलेटसह अन्य एका दुचाकीला धडक दिल्‍याने पोस्तवाडा-होंडा येथील गिजीमोल नायर (45) या महिलेचा मृत्यू झाला; तर दोन दुचाकीस्‍वार जखमी झाल्याची घटना घडली. तर सोमवारी मध्यरात्री पर्वरीत एका थार कारने दुचाकीला फरफटत नेल्याने दुचाकी चालकाचा मृत्यू झाल्याची घटना घडली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
