पणजी : माजी सभापती रमेश तवडकर व माजी मुख्‍यमंत्री दिगंबर कामत यांना कोणती खाती मिळतील, याची साऱ्यांनाच उत्‍सुकता आहे. रमेश तवडकर यांनी ‘आपल्‍याला शिक्षण खात्यात रस आहे, परंतु निर्णय मुख्‍यमंत्र्यांवर अवलंबून आहे’, असे वक्‍तव्‍य काणकोणात केले. आज खातेवाटप होईल, अशी अपेक्षा आहे.
तवडकर यांनी खात्‍यांसंदर्भात स्‍पष्‍ट मते व्‍यक्‍त केली आहेत. ते पत्रकारांशी बोलताना म्‍हणाले, ‘मला कला व संस्कृती खात्यात रस नाही; कारण त्यात नाविन्याला संधी नाही. गावडे यांच्याकडील खाती आपल्याकडे यावी यासाठी कधीच हट्टहास धरला नाही; मात्र आदिवासी कल्याण खाते यापूर्वी आपल्याकडे होते, तेव्‍हा मी एकवीस योजना मार्गी लावल्या.
त्याचप्रमाणे एकूण अंदाज पत्रकातील बारा टक्के निधी विविध खात्यांमार्फत अनुसूचित जमातीच्या कल्याण योजनांसाठी वापरण्यात येईल, यासाठी प्रयत्‍नशील राहिलो’. दरम्‍यान, कामत व तवडकर हे अनुभवी नेते असल्‍याने त्‍यांना शिक्षण, बांधकाम अशी महत्‍वाची खाती दिली जातील, अशी अटकळ आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.