Goa Police Sticker on Private Car: खासगी कारवर गोवा पोलिसांचे स्टिकर लावून प्रवास केल्याची घटना उजेडात आली आहे. याबाबतचे व्हिडिओ सोशल मीडियात व्हायरल झाले आहेत. दरम्यान, काणकोणमधील स्थानिकांनी याबाबत पोलिसांत तक्रार दिली होती.
जीए 10 ए 2330 या क्रमांकाची ही कार आहे. रात्रीच्यावेळी काणकोण भागात ही कार फिरवली जात होती. याबाबत स्थानिकांकडून पोलिसांना तक्रार मिळाली होती. त्यानंतर पोलिसांनी पाठलाग करून ही गाडी पकडली. या कारमध्ये एक पुरूष आणि तीन महिला होत्या.
पैकी एका महिलेने दोन स्टार असलेल्या पोलिसांचा गणवेश परिधान केला होता. या सर्वांना पोलिसांनी ताब्यात घेत त्यांची चौकशी केली. तेव्हा कायदा हातात घेण्याचा आमचा काहीही हेतू नव्हता. आमच्याकडून चूक झाली, अशी कबुली या कारमधील प्रवाशांनी दिली आहे. काणकोण पोलिसांनी ही कारवाई केली.
दरम्यान, या कारच्या मूळ मालकाचा शोध घेण्यात आला. त्यावेळी मिल्तिया शिर्के यांच्या नावावर ही कार नोंद असल्याचे समोर आले. त्यांच्यावर गुन्हा दाखल करण्यात आला आहे. पोलिसांनी सांगितले, यासाठी गोवा पोलिसांची परवानगी घेण्यात आली नव्हती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
