Goa Police: भाडेकरू पडताळणी मोहीमेत 11 परप्रांतीय कामगारांवर कारवाई

Goa Police: आज सोमवारी हणजूण पोलीस स्टेशनने पोलीस स्टेशनच्या कार्यक्षेत्रात येणाऱ्या भाडेकरुंची पडताळणी मोहीम राबवली.

यात शिवोली परिसरातील भाडेतत्त्वावरील देण्यात आलेल्या खोल्यांची तपासणी करण्यात आली. यातील काही खोल्या ह्या भाडेकरूंना कागदपत्रांशिवाय देण्यात आल्याचे निदर्शनाला आले.

मोहिमेदरम्यान सुमारे 200 लोकांची तपासणी केली गेली. यातील सुमारे 25 जणांकडे भाड्याने राहत असल्याचा कोणताही पुरावा सापडला नाही. कागदपत्रांशिवाय सापडलेल्या 11 जणांवर कायद्यातील संबंधित तरतुदीनुसार गुन्हा दाखल करण्यात आला.

एसडीपीओ म्हापसा जिवबा दळवी आणि एसपी निधिन वलसन (आयपीएस,)यांच्या नेतृत्वाखालील पोलीस पथकाने पीएसआय साहिल वारंग आणि हणजूण पोलीस स्टेशनचे इतर बीट कर्मचारी यांनी ही भाडेकरू पडताळणी मोहीम राबवली.

यावेळी 'आवश्यक सुरक्षा उपायांसाठी अंजुना पोलिसांनी सर्व नागरिकांना त्यांचे भाडेकरू पडताळणी फॉर्म त्वरित सबमिट करण्याचे आवाहन केले.