एस्कॉर्ट सर्व्हिसच्या नावाखाली वेश्या रॅकेट चालवणाऱ्या टोळीतील चौथ्या आरोपीच्या मुसक्या आवळण्यात गोवा पोलिसांना यश आले आहे. सुभाष प्रधान असे या आरोपीचे नाव आहे. तो मूळचा ओडिशातील असून कांदोळी येथे राहत होता.
वेश्याव्यवसायात सहभागी असल्याच्या आरोपाखाली गोवा पोलिसांच्या गुन्हे शाखेने सुभाषला अटक केली. हॉटेलमध्ये काम करत असताना सुभाष वेश्या रॅकेटचा भाग बनला होता, अशी माहिती पोलिसांकडून देण्यात आली. आयटी कायद्याच्या कलमांखाली सुभाषविरोधात पोलिसांनी गुन्ह्याची नोंद केली आहे.
याआधी उत्तरप्रदेशातील गाझीयाबादमधून तिसरा आरोपी योगेश कुमारला अटक केली. योगेशच्या शोधात गोवा पोलिसांच्या (Goa Police) टीमने गाझियाबादला पोहोचली होती. योगेशच्या अटकेआगोदर या प्रकरणात सय्यद उस्मान (54, आंध्रप्रदेश) आणि महम्मद महबुल्ला (30, हरियाणा) या आरोपींना पोलिसांनी ताब्यात घेतले होते.
मिळालेल्या माहितीनुसार, योगेशच या रॅकेटचा मास्टरमांइड होता. त्यानेच deepikaverma.com नावाची वेबसाईट बनवली होती. घटनास्थळावरुन पोलिसांनी योगेशकडील सीपीयू जप्त केला. तसेच, आयटी कायद्याच्या कलम 67 अन्वये पोलिसांनी योगेशविरोधात गुन्ह्याची नोंद केली.
दरम्यान, या प्रकरणाशी संबंधित असलेल्या सुमारे 78 अश्‍लिल एस्कॉर्ट सर्व्हिस संकेतस्थळे ब्लॉक करण्यात आल्याची माहिती यापूर्वी क्राईम ब्रँचचे पोलिस अधीक्षक राहुल गुप्ता यांनी दिली होती. हे संशयित एस्कॉर्ट सर्व्हिस संकेतस्थळावर महिलांची अश्‍लिल छायाचित्रे प्रसिद्ध करुन गोव्यात एस्कॉर्ट सेवेची माहिती देत असत.
ग्राहकांनी केलेल्या मागणीनुसार हे संशयित दलालाशी संपर्क साधत असे. त्यानंतर रोख किंवा गुगल पे किंवा पेटीएम मोबाईल ॲप्लिकेशनद्वारे पैशांचा व्यवहार होत होता. त्यातून या संशयितांना कमिशनचा मोबदला मिळत असे. हे संशयित बंगळुरू, चेन्नई व भारतातील (India) इतर मोठ्या शहरांमध्ये एस्कॉर्ट सेवांसाठी समान संकेतस्थळे चालवत होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.