यूपीत निवडणुकीदरम्यान कायदा सुव्यवस्थेसाठी गोवा पोलिसांचा हातभार

उत्तर प्रदेश विधानसभा निवडणुकीच्या चौथ्या टप्प्यातील मतदान सुरळीत पार पाडण्यासाठी गोव्यातील सुमारे 900 सशस्त्र पोलिस कर्मचाऱ्यांना उत्तर प्रदेशमध्ये तैनात करण्यात आले होते. निवडनुकीदरम्यान गोवा पोलिसांनी उत्तर प्रदेश पोलिसांना राज्यात कायदा सुव्यवस्थेची अंमलबजावणी करण्यास मदत केली. फतेहपूरच्या एसपींनी ज्येष्ठ नागरिकांना केलेल्या मदतीसाठी गोवा पोलिसांचे (Police) कौतुक केले. (Goa Police News)

गोवा पोलिसांचे पथक उत्तर प्रदेशातील (Uttar Pradesh) फतेहपूर आणि बंदर जिल्ह्यात कार्यरत होते. “16 फेब्रुवारी रोजी 900 पोलिस कर्मचारी गोव्याहून उत्तर प्रदेशला निघाले होते. निवडणुकीच्या तिसऱ्या आणि चौथ्या टप्प्यात त्यांनी कायदा सुव्यवस्थेची अंमलबजावणी करण्यास मदत केली. ते विविध निवडणूक केंद्रावर तैनात होते," असे एका निवडणूक अधिकऱ्याने सांगितले.

निवडणुकीच्या (Election) पाचव्या टप्प्यासाठी प्रयागराज आणि चित्रकूट जिल्ह्यात पोलिस कर्मचारी तैनात करण्यात येणार असल्याची माहिती समोर येत आहे.