पणजी: सामन्याच्या पूर्वार्धात दोन मिनिटांत लागोपाठ गोल नोंदवत यजमान गोवा पोलिस संघाने वर्चस्व राखले आणि त्या बळावर त्यांनी यंग बॉईज टोंक (वायबीटी) संघावर 2 - 0 फरकाने शानदार विजय नोंदविला. या कामगिरीसह त्यांनी 18 व्या गोवा पोलिस कप फुटबॉल स्पर्धेच्या उपांत्यपूर्व फेरीतही प्रवेश केला.
(Goa Police Cup Goa Police Quarter Final Selection)
सामना बुधवारी म्हापसा येथील धुळेर स्टेडियमवर झाला. सामन्यातील पहिला गोल 31 व्या मिनिटास तुषार देसाई याने नोंदविला. नंतर 33 व्या मिनिटास प्रजत नाईक याने आघाडी वाढविली.
वायबीटी संघाने गोलसाठी प्रयत्न केले, पण गोवा पोलिसांचा भक्कम बचाव भेदणे त्यांना शक्य झाले नाही. यजमान संघाचा प्रजत नाईक सामन्याचा मानकरी ठरला. स्पर्धेच्या उपांत्यपूर्व फेरीत आता गोवा पोलिस संघासमोर साळगावकर एफसी संघाचे आव्हान असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
