Goa Police Attack: रस्त्यात अडवून पोलिसांना मारहाण, बेतूल घटनेनंतर वास्कोत 'गुंडाराज'; गोव्यात पोलिसांवर हल्ल्यांची मालिका?

Vasco Police Attack: वैद्यकीय कर्तव्य बजावून परत येत असलेल्या वास्को पोलिसांना रस्त्यात अडवणूक करणाऱ्या सात तरुणांना सामोरे जावे लागले
Assaults on Police in Goa
Assaults on Police in GoaDainik Gomantak
Published on
Updated on

वास्को: वैद्यकीय कर्तव्य बजावून परत येत असलेल्या वास्को पोलिसांना रस्त्यात अडवणूक करणाऱ्या सात तरुणांना सामोरे जावे लागले. या अडवणुकीला विरोध केल्यावर तरुणांनी थेट पोलीस कर्मचाऱ्यांवर हल्ला केला. पोलिसांनी दिलेल्या माहितीनुसार, या घटनेनंतर तात्काळ कारवाई करत दोन आरोपींना अटक करण्यात आली आहे.

यापूर्वीच बेतुल येथे देखील अशीच एक गंभीर घटना घडली होती. बेपत्ता असलेल्या दोन व्यक्तींच्या शोधासाठी गेलेल्या कुंकळ्ळी पोलीस ठाण्याच्या दोन कर्मचाऱ्यांवर अज्ञात व्यक्तींनी हल्ला केला होता. ही घटना खणगिणी-बेतुल येथे घडली, ज्यात पोलिसांवर लाथा-बुक्क्यांसह दगडांनी हल्ला करण्यात आला, आणि या हल्ल्यात पोलीस शिपाई अनुप कावरेकर गंभीर जखमी झाले. पोलिसांनी याप्रकरणी सहा संशयितांना अटक केली आहे, जे झारखंड राज्यातील रहिवासी आहेत.

Assaults on Police in Goa
Betul: उघड्यावर मद्यपान करणाऱ्यांचे गुंडाराज! जाब विचारणाऱ्या पोलिसांवर दगडफेक, लाथा-बुक्क्यांनी मारहाण; झारखंडच्या 6 जणांना अटक

विरोधकांचा सरकारवर हल्लाबोल

या घटनांवरून विरोधी पक्षनेते युरी आलेमाव यांनी तीव्र निषेध व्यक्त केला आहे. "आम्ही या घटनेचा निषेध करतो," असे सांगत आलेमाव यांनी बाहेरून येणाऱ्या कामगारांवर कायदा आणि सुव्यवस्थेचा प्रश्न निर्माण केल्याचा आरोप केला. त्यांनी या प्रकारच्या गैरवर्तनात सहभागी होऊ नये, अशी तंबी पारोल विद्यापीठातील विद्यार्थ्यांनाही दिली आहे. राज्यात कायदा आणि सुव्यवस्थेची स्थिती अधिक मजबूत करण्यासाठी पोलीस गस्त आणि दक्षता वाढवण्याची मागणीही त्यांनी केली.

प्रशासनासमोर मोठे आव्हान

या दोन्ही घटनांनी गोव्यातील पोलीस दलासमोर एक मोठे आव्हान उभे केले आहे. कर्तव्य बजावणाऱ्या पोलिसांवरच असे हल्ले होत असतील, तर सामान्य नागरिकांच्या सुरक्षिततेची काय स्थिती असेल, असा प्रश्न निर्माण झालाय. या दोन्ही घटनांची सखोल चौकशी करून दोषींवर कठोर कारवाई करण्याची मागणी जोर धरत आहे, जेणेकरून भविष्यात असे प्रकार टाळता येतील.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com