Goa Crime: अल्पवयीन मुलीवरील अत्याचारप्रकरणी झारखंडच्या तरुणाला अटक, गोवा पोलिसांची कारवाई

Minor Sexual Assault Case: अल्पवयीन मुलीवर लैंगिक अत्याचार करणाऱ्या नराधमाच्या मुसक्या आवळण्यात गोवा पोलिसांना यश आले आहे.
Minor Sexual Assault Case
Goa CrimeDainik Gomantak
Published on
Updated on

Minor Sexual Assault Case: अल्पवयीन मुलीवर लैंगिक अत्याचार करणाऱ्या नराधमाच्या मुसक्या आवळण्यात गोवा पोलिसांना यश आले आहे. सुशान केवल नायक असे या आरोपीचे नाव आहे. सुशान हा मूळचा झारखंडचा रहिवासी आहे.

14 वर्षीय मुलीवर लैंगिक अत्याचार

मिळालेल्या माहितीनुसार, कुंकळ्ळीमध्ये एका 14 वर्षीय मुलीवर लैंगिक अत्याचाराची तक्रार पोलिसांकडे करण्यात आली होती. त्यानंतर पोलिसांनी बाल संरक्षण कायदा आणि पोक्सो कायद्यांतर्गत गुन्ह्याची नोंद केली होती. आता या प्रकरणी पोलिसांनी सुशानला अटक केली.

Minor Sexual Assault Case
Goa Crime: कुठे जलसफारीची ट्रिप तर कुठे स्वस्तात हॉटेल मिळवून देण्याचे आश्वासन; पर्यटकांकडून तक्रारींचा सपाटा!!

मुलीला घेऊन झारखंड गाठले

संशयित सुशान सध्या सारझोरा येथे भाड्याच्या घरात राहत होता. याचदरम्यान तो मुलीला घेऊन झारखंड (Jharkhand)ला गेला होता. काही दिवसांनी तो तिला घेऊन गोव्यात परतला. ही धक्कादायक घटना 2 जानेवारी ते 14 फेब्रुवारी या कालावधीत घडली. या कालावधीत त्याने तिच्यावर लैंगिक अत्याचार केले. यादरम्यान ती गर्भवतीही राहिली.

Minor Sexual Assault Case
Goa Crime: गोवा पोलिसांनी कर्नाटकात अडवली सांगलीची गाडी, तिघा तस्करांकडून 1.6 कोटी जप्त; बेळगाव आयकर विभागाकडून पुढील तपास सुरु

पालकांची तक्रार

पीडित अल्पवयीन मुलीच्या पालकांनी दिलेल्या तक्रारीनुसार, पोलिसांनी संशयित सुशानला ताब्यात घेत चौकशीअंती रितसर अटक केली. या प्रकरणी कुंकळ्ळी पोलीस निरीक्षक ग्रॅसिअस यांच्या मार्गदर्शनाखाली पुढील तपास केला जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com