Goa : पत्रादेवी अबकारी विभागाने पाच लाखाची दारू जप्त केली

मोरजी : पत्रादेवी (Patradevi) चेक नाक्यावर अबकारी विभागाने निरीक्षक अमोल हरवळकर यांच्या नैतृत्वाखाली पाच लाख 76 हजाराची दारू जप्त केली , तर वाहनाची आठ लाख किंमत आहे .

वाहन गोवा मार्गे पनवेल पत्रादेवी येथे जात होते. 17 जुलै रोजी पहाटे साडे चार वाजता हे वाहन पत्रादेवी अबकारी चेकनाक्यावर पोचले . त्यावेळी चालकाने आपली कागदपत्रे घेवून नाक्यावर आला असता त्यात खत असल्याचे नमूद केले , अबकारी अधिकाऱ्यांना संशय आला , त्यात रॉयल ब्लू विस्की 180 मिलीलीटरच्या 38400 बॉटल सापडल्या . वाहनचालकाला ताब्यात घेण्यात आले .

या धडक कारवाईत उपनिरीक्षक कृष्णा उसपकार , देविदास तिरोडकर , सुनील कार्बोटकर , दशरथ तारी , भगत पागी रुपेश रेडकर व हरीश नाईक आदींनी कारवाई केली . कोरोना काळातील हि तिसऱ्या वेळी मोठी कारवाई केली आहे , या नाक्यावरून अनेक वेळा चोरटी दारूचा व्यवहार चालू असतो .