MLA Viresh Borkar: काल म्हणजेच शुक्रवारी दुपारपासून आमदार विरेश बोरकर आणि त्यांच्या कार्यकर्त्यांनी पणजीच्या नगर नियोजन कार्यालयात सुरू केलेले धरणे आंदोलन अखेर आज शनिवारी पहाटे 2 वाजता मागे घेतले.
15 तासांनंतर उपजिल्हाधिकाऱ्यांनी आमदार बोरकर यांना यांना सोमवार पर्यंत त्यांच्या सर्व तक्रारींची उत्तरे त्यांना देण्यात येतील असे आश्वासन दिल्याने हे आंदोलन थांबवण्यात आल्याचे प्राथमिक वृत्त हाती आले आहे.
दरम्यान काल शुक्रवारपासूनआमदार विरेश बोरकर आणि यांच्या कार्यकर्त्यांनी सांत आंद्रे मतदारसंघातील डोंगरकापणी आणि बेकायदेशीर बांधकाम प्रकल्पांची कागदपत्रे देत नसल्याच्या कारणावरून पणजीच्या नगर नियोजन कार्यालयात ठिय्या आंदोलन सुरु केले होते.
जोपर्यंत आम्हाला उत्तरांची कागदपत्रे मिळत नाही तोपर्यंत कार्यालयातून उठणार नाही, असा पवित्रा आमदार बोरकर यांनी घेतला होता.
यावेळी त्यांच्या सोबत जवळपास 70 कार्यकर्ते होते. कोणताही अनुचित प्रकार होऊ नये यासाठी खबरदारीचा उपाय म्हणून उत्तर गोवा पोलीस अधीक्षकांनी सर्वांना कार्यालयात गर्दी न करता तळमजल्यावर राहायला सांगितले.
त्यामुळे आमदार बोरकर यांच्यासह 4 सदस्य कार्यालयात ठिय्या मांडून बसले तर इतर कार्याकर्ते बिल्डिंगच्या तळमजल्यावर तळ ठोकून बसले.
निगरनियोजन खाते बिनकामाचे असून, राज्यातील हे एकमेव खाते आहे तिथून काहीच प्रतिक्रिया येत नाही.
गेल्या दोन वर्षात नगरनियोजन खात्याशी निगडीत जवळपास 8 ते 10 तक्रारी दाखल करण्यात आल्या आहेत. पण अद्याप याबाबत एकही उत्तर खात्याकडून मिळालेले नसल्यानेच मी हे पाऊल उचलल्याचे बोरकर यावेळी म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.