सांत आंद्रे मतदारसंघातील डोंगरकापणी आणि बेकायदेशीर बांधकाम प्रकल्पांची कागदपत्रे देत नसल्याच्या कारणावरून आमदार विरेश बोरकार पणजीतील नगर नियोजन खात्याच्या कार्यालयात ठिय्या आंदोलन करत आहेत.
कागदपत्रे मिळत नाही तोपर्यंत कार्यालयातून उठणार नाही, असा पवित्रा आमदार बोरकर यांनी घेतला आहे.
उपसंचालक के. अशोक कुमार यांनी आजच येऊन उत्तर द्यावीत अशी आक्रमक भूमिका बोरकर यांनी घेतली असून, आत्तापर्यंत उपस्थित केलेल्या तक्रारींना उत्तर मिळत नाही तोवर हटणार नाही, असे बोरकर यांनी म्हटले आहे.
निगरनियोजन खाते बिनकामाचे असून, राज्यातील हे एकमेव खाते आहे जिथून काहीच प्रतिक्रिया देत नाही.
गेल्या दोन वर्षात नगरनियोजन खात्याशी निगडीत जवळपास 8 ते 10 तक्रारी दाखल करण्यात आल्या आहेत. पण अद्याप याबाबत एकही उत्तर खात्याकडून मिळालेले नाही, असे आमदार बोरकर यावेळी म्हणाले.
खात्याकडून उत्तर आणि कागदपत्रे मिळत नाहीत तोवर उठणार नाही, असा इशारा बोरकर यांनी दिला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.