Goa Education: राज्यातील राजपत्रित अधिकाऱ्यांच्या पदासाठी गोवा लोकसेवा आयोगामार्फत (जीपीएससी) प्रवेश परीक्षा घेण्यात येतात. सरकारी खात्यांमधील रिक्त पदांसाठीची परीक्षा एकाचवेळी घ्याव्यात, यासंदर्भातचा प्रस्ताव जीपीएससीने राज्य सरकारला सहा महिन्यांपूर्वी सादर केलेला आहे.
केंद्रीय लोकसेवा आयोगाच्या (यूपीएससी) धर्तीवर जीपीएससी परीक्षा झाल्यास उमेदवारांच्या गुणवत्तेनुसार इच्छुक खात्यात वर्णी लावणे शक्य होईल.
नुकतीच जीपीएससीमार्फत गोव्यातील ज्युनियर श्रेणी अधिकाऱ्यांच्या 24 पदांसाठी प्रवेश परीक्षा घेण्यात आली. यासाठी तीन हजार उमेदवारांनी अर्ज केले होते. पूर्व स्क्रिनिंग परीक्षेत 141 जण पात्र ठरले असून त्यांना पुढील चाचणीला सामोरे जावे लागणार असल्याचे आयोगाचे अध्यक्ष जुझे मान्युएल डिसोझा यांनी सांगितले.
आयोगाची परीक्षेसाठी पूर्वतयारी करण्याची गरज आहे. त्यासाठी अनेकदा तीन वर्षांपासून त्याची तयारी करावी लागते. त्यामुळे ज्यांना या परीक्षेला सामोरे जायचे आहे, त्यांनी आयोगाच्या संकेतस्थळावर विविध प्रश्‍नपत्रिका व त्याचे उत्तरे तसेच या परीक्षेसाठीचा अभ्यासक्रम याची माहिती देण्यात आलेली आहे.
या घेण्यात आलेल्या पूर्व स्क्रिनिंग परीक्षेत अनेकांना वेळेत प्रश्‍नपत्रिका सोडवता आली नाही. या परीक्षेसाठी एका प्रश्‍नाची बहुउत्तरे असतात व ही उत्तरे सगळीच बरोबर असल्याची भासतात. त्यामुळे निर्णय घेण्यास उमेदवारांना वेळ होतो.
या परीक्षेत वेळेचे बंधन व त्वरित निर्णय घेण्याची क्षमता याला अधिक प्राधान्य असते. त्यामुळे त्यासाठी चांगली तयारी करावी लागते, असे डिसोझा म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
