पणजी: नगरनियोजन मंत्री विश्वजित राणे यांच्या घरासमोर २३ फेब्रुवारीला केलेल्या आंदोलनप्रकरणी पणजी पोलिसांनी विरोधी पक्षनेते युरी आलेमाव व आपचे आमदार क्रुझ सिल्वा यांना नोटीस बजावली होती. त्यानुसार दोघांनी स्थानकात हजेरी लावली. युरी यांची सुमारे २० मिनिटे चौकशी करण्यात आली, त्यानंतर सिल्वा यांची चौकशी झाली.
पोलिसांनी बजावलेल्या या समन्सप्रकरणी युरी यांनी राज्य सरकारवर जोरदार टीका केली. पोलिस स्थानकात जाण्यापूर्वी प्रसारमाध्यमांकडे ते बोलत होते. ते म्हणाले, जेव्हा आपणास आईने समन्स आल्याचे फोनवरून सांगितले, तेव्हा आपणास विधानसभेचे अधिवेशन बोलवले असावे, असे वाटले. पण पोलिसांचे समन्स असल्याचे समजल्यावर राजकीय कारस्थान असल्याचे स्पष्ट झाले.
चौकशी झाल्यानंतर स्थानकाबाहेर येताच युरी म्हणाले, आम्ही कायद्याचा आदर करणारे असून, आपण चौकशीला पूर्णपणे सहकार्य केले आहे. सरकारी यंत्रणाचा वापर करून भीती निर्माण करण्याचा सरकारचा प्रयत्न आहे आणि त्यास आम्ही घाबरणार नाही.
वादग्रस्त कलम ३९ (अ) रद्द करण्यासाठी आमदार वीरेश बोरकर यांनी आझाद मैदानावर आमरण उपोषण केले होते. त्यांच्या समर्थनार्थ राणे यांच्या बंगल्यावर मोर्चा नेला होता आणि घरासमोर ठिय्या मांडला होता. रहिवासी क्षेत्रात जमाव जमविणे बेकायदेशीर असल्याचे सांगत पोलिसांनी युरी आलेमाव, क्रूझ सिल्वा, व्हेन्झी व्हिएगस, मनोज परब यांच्याविरोधात गुन्हे नोंदवले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
