Goa Road: जुन्या मडगाव रस्त्याची अवस्था दयनीय; दुचाकीस्वारांना अपघाताला निमंत्रण

Old Margao Road: अंधारात व पावसात हे खड्डे अपघाताला निमंत्रण देत आहेत
Old Margao Road: अंधारात व पावसात हे खड्डे अपघाताला निमंत्रण देत आहेत
Goa Old Margao Road Canava

मळ्यातून रुअ दि ओरे खाडीलगत असलेल्या जुना मडगाव रस्त्याची दयनीय अवस्था झालेली आहे. मलनिस्सारण वाहिनीच्या मॅनहोलसाठी निर्माण केलेले खड्डे व्यवस्थित न भरल्याने तेथील जागा खचल्या आहेत. त्यामुळे निर्माण झालेले खड्डे रात्रीच्यावेळी दुचाकीस्वारांना अपघाताला निमंत्रण देत आहेत, असे दिसते.

पिपल्स हायस्कूलला लागून असलेल्या या मार्गावर ठिकठिकाणी खड्डे पडलेले आहेत. पावसामुळे भरलेले खड्डे पुन्हा तयार झाले असून, तात्पुरती केलेली डागडुजी ही वरवरची असल्याचे दिसत आहे. या मार्गावरून दररोज सांताक्रूझमधून पणजीला हजोरा वाहने ये-जा करतात. त्याशवाय याच मार्गावरून अवजड आणि सांताक्रूझ बसेस ये-जा करतात.

स्मार्ट सिटींअंतर्गत या रस्त्याचे भाग्य कधी उजळायचे ते उजाळेल, पण पावसाळ्याच्या सुरुवातीला या रस्त्याची झालेली दूरवस्था पाहता तो पुढे कसा असेल याची कल्पनाही करावीवाटत नाही. या रस्त्यावरील बाजूची कधी-कधी दिवे लागत नाहीत, अंधारात व पावसात दुचाकीस्वारांना हे खड्डे अपघातालाच निमंत्रण देत आहेत.

Old Margao Road: अंधारात व पावसात हे खड्डे अपघाताला निमंत्रण देत आहेत
Margao Municipal Council: 17.50 लाखांची अफरातफर! 20 दिवसानंतर मडगाव पालिकेच्‍या कारकुनाविरुद्ध पोलीस तक्रार

अपघाताची शक्यता

जोरदार पडणाऱ्या पावसात खड्ड्यात पाणी भरल्यामुळे वाहनचालकांना खड्ड्याच्या खोलीचा अंदाज येत नाही. त्यामुळे वाहने घसरणे, पडण्याचे प्रकार वाढत आहेत. शाळा, महाविद्यालयात जाणाऱ्या विद्यार्थ्यांना या खड्ड्यामुळे या मार्गावरून ये-जा करणेही कठीण होत आहे. या खड्ड्यामुळे अपघात घडण्याची शक्यताही आहे. पाऊस कमी झाल्यावर त्वरित हे खड्डे बुजविणे गरजेचे आहे, असे मत येथील नागरिकांनी व्यक्त केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com