Goa News: दिव्यांगांसाठी खास रोजगारसंबंधी मूल्यांकन अन् पुनर्वसन मार्गदर्शन शिबिर

Goa News: उत्तर गोवा जिल्ह्यात स्थायिक दिव्यांगांसाठी मूल्यांकन आणि पुनर्वसन मार्गदर्शन शिबिराचे आयोजन करण्यात आले आहे.
Goa News | Handicap
Goa News | HandicapDainik Gomantak

Goa News: राज्य दिव्यांगजन आयोग, नॅशनल करिअर सर्व्हिस सेंटर फॉर डिफरंटली एबल्ड, मुंबई आणि डिसेबिलिटी राइट्स असोसिएशन ऑफ गोवा यांच्या संयुक्त विद्यमाने दिव्यांगांना रोजगार संधी मिळावी या उद्देशाने दिव्यांगांसाठी मूल्यांकन आणि पुनर्वसन मार्गदर्शन शिबिराचे आयोजन करण्यात आले आहे.

उत्तर गोवा जिल्ह्यात स्थायिक दिव्यांगांसाठी गुरूवारी, 20 ऑक्टोबर रोजी संजय सेंटर फॉर स्पेशल एज्युकेशन, पर्वरी येथे होणार आहे. दक्षिण गोवा जिल्ह्यात स्थायिक दिव्यांगांसाठी शुक्रवारी, 21 रोजी गुजराती समाज एज्युकेशनल ट्रस्ट फॉर द हॅंडिकॅप्ड, मडगाव येथे होणार आहे.

Goa News | Handicap
Goa News: 'मधमाशी पालन' करुन बेरोजगारीवर केली मात!

कोविडपूर्वीच्या काळातच दिव्यांगांना नोकरी मिळवताना अनेक अडथळ्यांचा सामना करावा लागायचा. कोविडमुळे अडथळे आणखी वाढले आहेत. दिव्यांगांना सक्षम बनविण्याच्या उद्देशाने राज्य आयोगाने दोन दिवसीय शिबिर आयोजित केले आहे, अशी माहिती राज्य दिव्यांगजन आयुक्त गुरुप्रसाद पावसकर यांनी दिली.

दिव्यांग व्यक्तींचे शारीरिक कार्यक्षमतेचे मूल्यांकन, त्यांची मानसिक शक्ती, पात्रता आणि त्यांच्या आवडीचे क्षेत्र या सर्व बाबी शिबिरात नोंद केले जाईल, असे पावसकर यांनी सांगितले.

Goa News | Handicap
Goa Kala Academy: डिसेंबरपर्यंत कला अकादमीला नवा 'साज'

लागणाऱ्या कागदपत्रांची झेरॉक्स प्रत

दिव्यांग प्रमाणपत्र, जन्म प्रमाणपत्र/ लिव्हिंग सर्टिफिकेट, आधार कार्ड/पॅन कार्ड, शैक्षणिक आणि तांत्रिक प्रशिक्षण प्रमाणपत्र, एससी/एसटी/ओबीसी प्रमाणपत्र (जर दिव्यांग एससी/एसटी/ओबीसी समुदायातील असतील), पासपोर्ट आकाराचे दोन फोटो, बायोडेटा

उद्या म्युझिक व्हिडीओ लाँच

‘ड्रॅग’च्या 20 व्या वर्धापन दिनानिमित्त न प्रख्यात कलाकार ट्रेसी डी कलंगुट यांनी असोसिएशनसाठी तयार केलेल्या संगीत व्हिडिओचा प्रीमियर गुरूवारी, 20 रोजी संजय सेंटर फॉर स्पेशल एज्युकेशन, पर्वरी येथे करण्यात येईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com