Goa New Shack Policy: गोव्यात नवीन शॅक धोरणावरून सुरू झालेल्या वादावर तोडगा काढण्यासाठी आज, गुरूवारी मुख्यमंत्र्यानी शॅक व्यावसायिकांची बैठक बोलावली होती. या बैठकीतून शॅक वाटपाचा नवा फॉर्म्युला काढण्यात आला आहे. 80-10-10 असा हा फॉर्म्युला आहे.
त्यानुसार आता एकूण शॅक्सपैकी 80 टक्के शॅक्स या क्षेत्रातील पाच वर्षाहून अधिक अनुभव असणाऱ्यांना देण्यात येणार आहेत. तर 10 टक्के शॅक्स एक ते चार वर्षांचा अनुभव असणाऱ्यांना देण्यात येणार आहे. तर 10 टक्के शॅक्स नवीन व्यावसायिकांना देण्यात येणार आहे.
नव्या शॅक पॉलिसीवरून सरकारमधीलच दोन नेत्यांमध्ये कलगीतुरा रंगला होता. कळंगुटचे आमदार मायकल लोबो एका बाजूला तर पर्यटन मंत्री रोहन खंवटे दुसऱ्या बाजूला असा हा संघर्ष दिसून येत होता.
धोरण ठरवताना सरकार नेहमी संबंधितांना विश्वासात घेते मग शॅक धोरणावेळीच व्यावसायिकांना का विश्वासात घेतले जात नाही, असा सवाल करत मागुनही धोरणाची प्रत व्यावसायिकांना दिली जात नाही, असे आमदार लोबो म्हणाले होते.
नव्या धोरणातील तरतुदी आगामी पर्यटन हंगामापासून लागू करणे शक्य होणार नाही, असेही लोबो यांचे मत होते. तर खंवटे यांनी पारंपरिक पद्धतीने शॅक्स उभाराव्यात, त्यासाठी दोन ठिकाणी प्रारूप शॅक्स उभारण्याची तयारी केली होती.
त्याला लोबो यांचा विरोध आहे. दरम्यान, यापुर्वी शॅक व्यावसायिकांचेही तळ्यात-मळ्यात चालल्याचे दिसून येत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
