Mopa Airport: मोपा विमानतळावर कंपनीचा अनागोंदी कारभार; कामगारांचा एल्गार

Mopa Airport: मोपा विमानतळावरील कामगारांना डीए, पीफ सारख्या सुविधांबाबत सीएलआर कंपनी कोणतीच माहिती पुरवत नसल्याचा आरोप कर्मचाऱ्यांनी केलाय.

काँग्रेस नेते आणि ॲड जितेंद्र गावकर यांनी याप्रकरणी लक्ष घालून HR कडे संपर्क साधला असता त्यांनी 4 जानेवारीला संबंधित प्रश्नी चर्चा करण्याची सहमती दर्शवली आहे.

मोपा विमानतळावर CLR कंपनीमार्फत विविध पदांसाठी 80 कामगारांची भरती करण्यात आली असून कर्मचाऱ्यांना डीए, पीफ, सॅलरी, घर भाडे, साप्ताहिक सुट्ट्या, इन्क्रिमेंट याबाबत कोणतीच माहिती मिळत असल्याचा आरोप कर्मचाऱ्यांनी केली.

या गोष्टींसाठी HR कडे संपर्क साधला असता त्यांच्याकडून उडवाउडवीची उत्तरे मिळत असल्याचा प्रकार घडत असल्याचे कर्मचाऱ्यांनी संगितले.

वारंवार हे प्रकार घडत असल्याने कर्मचाऱ्यांनी सामाजिक कार्यकर्ते ॲड जितेंद्र गावकर यांच्याशी सम्पर्क साधल्यावर त्यांनी या प्रश्नला वाचा फोडली.

HR कडे संपर्क साधला असता त्यांच्याकडे कोणतीही अथोरिटी नसल्याचे दिसून आलेय. कामगारांना पहिल्या महिन्यात सर्व सुविधा, चार्जेस देण्यात ले मात्र नंतरच्या महिन्यात त्यांच्या सॅलरी स्लिपवर ESI, Insurance चे पैसे देण्यात आले नसून त्याऐवजी ADM चार्जेस लावून प्रत्येक कामगारांचे 18 रुपये कट केल्याचे निदर्शनास आले आहे.

विशेष म्हणजे 'हे कसले चार्जेस', असं विचारल्यावर HR कडून कोणतेच उत्तर मिळत नाही. त्यामुळे कंपनीचा मॅनेजर अविनाश पारखे यांच्याशी संपर्क साधला असता त्यांनी यावर चर्चा करण्यासाठी 4 जानेवारीला बोलावण्यात आलेत असल्याचे गावकर म्हणाले.

तत्कालीन उपमुख्यमंत्री बाबू आजगावकर यांनी गोव्यातील मुलांना मोपा विमान तळावर नोकरीच्या संधी देण्यात येणार असल्याचे सांगितले मात्र प्रत्यक्षात या उलट चित्र असून कंपनीत जी मुलं काम करतात त्यांना विविध प्रश्नांना सामोरे जावे लागत असल्याचे गावकर म्हणाले.

मोपा विमानतळावर सध्या कामगारांचा जो प्रश्न सुरु आहे त्यासंबंधी जर का तोडगा निघाला नाहीच तर आम्ही हा प्रश्न GMR कडे मांडणार असल्याचेही गावकर म्हणाले.