पणजी: मध्य अरबी समुद्र आणि बंगालच्या उपसागरात निर्माण झालेल्या कमी दाबाच्या पट्ट्यामुळे येत्या तीन दिवसांत राज्यात मुसळधार पावसाची शक्यता गोवा वेधशाळेने व्यक्त केली असून ‘ऑरेंज अलर्ट’ जाहीर केला आहे. पावसाबरोबर ताशी 30 ते 40 नॉटिकल मैल वाऱ्याचा वेग असेल, असाही वेधशाळेचा अंदाज आहे. 12, 13 आणि 14 जुलैला राज्यात सर्वत्र मुसळधार पावसाची शक्यता आहे. (Goa Monsoon Update: Heavy rains expected in Goa in next three days)
गेल्या चोवीस तासांत राज्यात काही ठिकाणी मुसळधार, तर काही ठिकाणी पावसाची रिपरिप सुरू होती. गेल्या चोवीस तासांत काणकोण येथे सर्वाधिक ७० मि.मी. पावसाची नोंद झाली असून जुने गोवे 65, म्हापसा 45, पेडणे 55 ,पणजी 44, साखळी 40.1, वाळपई 49, मुरगाव 51.8 व सांगे येथे 41.6 मि.मी. पावसाची नोंद झाली आहे. आतापर्यंत सर्वाधिक पाऊस 1 हजार 753 मि.मी. पेडणे येथे झाला आहे. येत्या तीन दिवसांत समुद्र खवळलेला राहणार असून वाऱ्याचा वेग ही ताशी 30 ते 40 नॉटिकल मैल असल्याने मच्छिमारांनी मासेमारीसाठी समुद्रात जाऊ नये, असा इशाराही वेधशाळेने दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
