Goa Monsoon Update 2023: परतीच्या पावसाने राज्यात हाहाकार माजवला आहे. पावसाने उच्चांक गाठला असून अनेक ठिकाणी पडझड होण्याच्या घटना वाढल्या आहेत. अनेक ठिकाणी रस्त्यांवर पाणी आल्याने नागरिकांना नाहक त्रास सहन करावा लागत आहे.
मुसळधार पावसामुळे काजूगट्टो गावाला जोडणारा एकमेव रस्ता पाईपने बांधलेला पूल वाहून गेल्याची घटना समोर आली आहे.
लोकांनी स्वतःचे पैसे खर्चून पाईप बसवून पाण्याच्या प्रवाहावर पूल बनवला होता. ग्रामस्थांनी ही परिस्थिती आमदार सुभाष फळदेसाई यांना सांगितल्यानंतर त्यांनी त्यांची भेट घेऊन परिस्थितीची पाहणी केली. तसेच रस्त्याची ही प्रलंबित मागणी मुख्यमंत्र्यांसमोर मांडून हा प्रश्न मार्गी लावू, असे आश्वासन त्यांनी दिले.
दरम्यान, काल कुशावती नदीच्या पाणी पातळीत वाढ झाली असून पारोडा पुलावरून पाणी वाहत होते.
तर उत्तर गोव्यातील मये-कालवी हा रेल्वे क्रॉसिंग मार्ग देखील पाण्याखाली गेला आहे. तर केपे मडगाव रस्त्यावर पाणी आल्याने सदर रस्त्यावरून होणारी वाहतूक चांदरमार्गे वळविण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
