Farmagudi News: फोंडा परिसरात पावसाने उडवली दाणादाण; फर्मागुडी येथे कारवर कोसळले झाड

Farmagudi News: शुक्रवारी पावसाने फोंडा तालुक्याला चांगलेच झोडपून काढले आहे. त्यामुळे ठिकठिकाणी झाडे पडल्याच्या घटना घडल्या आहेत. पावसाने दाणादाण उडवल्याने येथील जनजीवन विस्कळीत झाले आहे. येथील सखल भागात पाणी साचले आहे. नाले दुथडी भरून वाहत असल्याने अनेक ठिकाणी घरात पाणी घुसले आहेत.

फर्मागुडी येथे पार्किंगमधील एका कारवर गुलमोहराचे झाड कोसळले. यात गाडीचे मोठे नुकसान झाले आहे. सुदैवाने या वेळी गाडीत किंवा या परिसरात कुणी नव्हते त्यामुळे जीवीतहानी झालेली नाही.

ही माहिती कळताच अग्निशमन दलाने घटनास्थळी धाव घेतली. अग्निशमन दलाच्या जवानांनी हे झाड हटवून हा परिसर मोकळा केला आहे. या घटनेत गाडीचे सुमारे पन्नास हजाराचे नुकसान झाले आहे. इतरही अनेक ठिकाणी झाडे पडल्याची माहिती अग्निशमन दलाकडे आली आहे.