Betora Ponda Accident: फोंडा तालुक्यातील बेतोडा येथे एका टेम्पोने वीज खांबाला धडक दिली. चालकाचे गाडीवरील नियंत्रण सुटून हा अपघात झाला. यात हा वीज खांब मोडला आहे. त्यामुळे वीज खात्याचे नुकसान झाले आहे.
सुदैवाने शॉर्ट सर्किट न झाल्याने टेम्पोने पेट घेतला नाही. त्यामुळे अनर्थ टळल्याची चर्चा घटनास्थळी होती.
या बाबत पोलिस तसेच वीज खात्याला कळविण्यात आले आहे. काही काळापुरता येथील वीजप्रवाह थांबविला जाऊन येथून टेम्पो हटविला जाऊ शकतो. अग्निशमन दलालाही पाचारण केल्याचे समजते.
दरम्यान, या अपघातामुळे येथील वाहतूक विस्कळीत झाली होती. काही काळ या मार्गावर वाहनांच्या रांगा लागल्या होत्या. त्याचा मनस्ताप वाहनधारकांना सहन करावा लागला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.