पणजी: गोव्यात आजपासून पाच वादळी वाऱ्यासह मुसळधार पावसाची शक्यता वर्तविण्यात आली आहे. गोवा हवामान खात्याच्या वेधशाळेने राज्यात 30 जुलै ते 03 ऑगस्ट या काळात 'यलो अलर्ट' जारी करण्यात आला आहे. दरम्यान, गेल्या दोन दिवसांपासून राज्यात पावसाने उसंत घेतली असताना पुन्हा एकदा मुसळधारेचा इशारा देण्यात आला आहे.
गोवा हवामान खात्याने दिलेल्या माहितीनुसार, 30 आणि 31 जुलै आणि 01 ते 03 ऑगस्ट या काळात राज्यातील दोन्ही जिल्ह्यात वादळी वाऱ्यासह मुसळधार पावसाचा अंदाज वर्तविण्यात आला आहे. या काळात 40 ते 50 किमी प्रतितास वेगाने वारे वाहण्याची शक्यता आहे.
राज्यात धुमशान घालणाऱ्या पावसाचा काही दिवसांपासून जोर मंदावला आहे. आता काही काळ पाऊस विश्रांती घेणार असल्याची चिन्हे दिसत असताना गोवा हवामान खात्याने आजपासून पाच दिवसांसाठी यलो अलर्ट जारी केला आहे.
गेल्या 24 तासांत राज्यात 11.2 मि.मी. इतक्या तुरळक पावसाची नोंद झाली. आत्तापर्यंत राज्यात एकूण 2851.7 मि.मी. म्हणजेच 112 इंच पावसाची नोंद झाली आहे.
राज्यात पावसाचा जोर कमी झाला असला तरी वादळी वाऱ्यामुळे विविध भागात होणाऱ्या पडझडीच्या घटना सुरुच आहेत. झाडे कोसळून मालमत्तेचे नुकसान होत असून, नागरिकांकडून चिंता व्यक्त केली जात आहे.
गेल्या पंधरा दिवसात गोव्यात मुसळधार पावसामुळे अनेक दुर्घटना घडल्या यात सात जणांचा मृत्यू झाला. काही ठिकाणी घराचे छत कोसळून अपघात घडले तर काही ठिकाणी झाड कोसळल्याने काहींचा अपघाती मृत्यू झाला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.