Goa Weather Update : गोव्यासह महाराष्ट्रातील सिंधुदुर्ग जिल्ह्यात गेल्या पाच दिवसांपासून जोरदार पावसाच्या सरी कोसळत आहेत. त्यामुळे राज्यातील नद्यांना पुराचे स्वरुप आले आहे. तिलारी धरणातून पाण्याचा विसर्ग सुरु करण्यात आल्याने शापोरा व नद्या तुडूंब भरून वाहत आहेत.
दरम्यान, गोवा हवामान विभागाकडून आजपासून 5 दिवस ऑरेंज अलर्ट (orange alert in goa) जारी करण्यात आला आहे. राज्यात एकूण 79.13 इंच (2010 मि.मी) पाऊसाची नोंद झाली असून यात उत्तर गोव्यात एकूण पाऊस 1998.1 मि.मी तर दक्षिण गोव्यात 2020.6 मि.मी पाऊसाची नोंद झाली आहे.
गेल्या चोवीस तासांत म्हापसा 133, पेडणे 135.8, फोंडा 87.0, पणजी 97.9, ओल्ड गोवा 108.8, साखळी 171.6, काणकोण 94.2, दाबोळी 46.2, मडगाव 47.2, मुरगाव 56.4, केपे 60.6 आणि सांगे 66.6 मीमी पावासाची नोंद झाली आहे.
पुढील पाच दिवसांसाठी काय इशारा
गोवा हवामान विभागाकडून 22 जुलै ते 26 जुलै पर्यंत उत्तर आणि दक्षिण गोव्यातील काही भागात काही ठिकाणी मुसळधार पावासाची शक्यता व्यक्त करण्यात आली आहे. हवामान खात्याने 5 दिवसांसाठी ऑरेंज अलर्ट जारी केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
