Goa Monsoon 2023: भारतीय हवामान खात्याने गोवा आणि कोकणात आज रेड अलर्ट जारी केला असून, अतिवृष्टीचा पावसाचा इशारा दिला आहे. या काळात मुसळधार ते अतिवृष्टी होण्याची शक्यता हवामान खात्याने वर्तवली असून, 204.4 mm पाऊस होण्याचा अंदाज आहे.
दरम्यान, गुरूवारी राज्यात आणि कोकणात झालेल्या अतिवृष्टीमुळे पेडण्यातील गडनदी आणि तेरेखोल नदीने इशारा पातळी ओलांडली असून, नागरिकांना सतर्क राहण्याचा सल्ला देण्यात आला आहे.
पेडण्यातील नागरिकांना राष्ट्रीय आपत्ती व्यवस्थापन प्राधिकरण यांच्याकडून एक संदेश पाठवण्यात आला आहे.
"अतिवृष्टीमुळे गडनदी आणि तेरेखोल नदीने इशारा पातळी ओलांडली असून, सखल भागात पूरस्थिती निर्माण होऊ शकते. स्थानिक प्रशासनाने दिलेल्या सूचनांचे पालन करा. सुरक्षित आणि सतर्क राहा. 02362-228847." असा संदेश नागरिकांना पाठवण्यात आला आहे.
आज रेड आणि येत्या दोन दिवसांसाठी ऑरेन्ज अलर्ट
भारतीय हवामान खात्याने गोवा आणि कोकणात आज रेड अलर्ट जारी केला असून, अतिवृष्टीचा पावसाचा इशारा दिला आहे. तर, 22 ते 24 जुलै रोजी ऑरेन्ज अलर्ट जारी करण्यात आला असून या काळात 115.6 ते 204.4 मिमि पाऊस पडण्याचा अंदाज वेधशाळेने वर्तवला आहे.
यामुळे स्थानिक ठिकाणी पाणी साचणे यासारख्या घटना घडू शकतात. पाणी अधिक साचणाऱ्या धोकादायक ठिकाणी नागरिकांना न जाण्याचा सल्ला हवामान खात्याने दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.