गोव्यात मागील साडेपाच वर्षांत 387 बलात्कराच्या घटना घडल्या असून, यात अल्पवयींवर 235 बलात्काराच्या घटना घडल्या आहेत. अशी माहिती मुख्यमंत्री तथा गृहमंत्री डॉ. प्रमोद सावंत यांनी विधानसभेत दिली. आमदार विजय सरदेसाई यांनी याबाबत विचारलेल्या लेखी प्रश्नाला मुख्यमंत्र्यांनी उत्तर दिले आहे.
2018 ते 30 जून 2023 या कालावधीत घडलेल्या 387 बलात्कराच्या घटना घडल्या. 2018 - 62, 2019 - 73, 2020 - 62, 2021 - 73, 2022- 74 आणि 1 जानेवारी ते 30 जून 2023 या काळात 43 बलात्काराचे गुन्हे नोंद झाले आहेत.
यातील 229 अत्याचार 16 ते 18 वर्षीय मुलींवर झाले तर, सहा अत्याचार 15 वर्षांखालील मुलींवर झाले. या काळात तिघींवर सामूहिक अत्याचार झाले. केवळ पाच जणांना शिक्षा ठोठावण्यात आली आहे. तर, 28 संशयितांची पुराव्यांअभावी निर्दोष सुटका झाली असून, तिघांना आरोपातून मुक्त करण्यात आले आहे.
बलात्काराच्या 297 प्रकरणांची विविध न्यायालयात सुनावणी प्रलंबित आहे. यातील काही घटनांमध्ये अल्पवयीन मुलांचा समावेश असल्याने त्यापैकी पाच अल्पवयीन मुलांना मेरशी येथील अपना घरात ठेवण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.