CM Pramod Sawant राज्यात गेली 11 वर्षे बंद असलेल्या खनिज खाणी लवकरच सुरू होतील, त्यासाठी सरकार कटिबद्ध आहे, असे मुख्यमंत्र्यांनी साखळी येथे सांगितले. मुख्यमंत्री सावंत यांनी केलेल्या प्रयत्नांसाठी तसेच खाणी सुरू करण्याचे आश्वासन दिल्याबद्दल डिचोलीतील सेसा खाण कंपनीच्या 93 कामगारांनी मुख्यमंत्र्यांचे अभिनंदन केले.
डिचोलीतील सेसा खाण कंपनीत कामावर रूजू झालेल्या कामगारांच्या शिष्टमंडळाने साखळी रवींद्र भवनात मुख्यमंत्री डॉ. प्रमोद सावंत यांची भेट घेतली.
दरम्यान, मुख्यमंत्र्यांनीही या कामगारांचे सरकारवर विश्वास ठेवून कंपनीत कामावर रुजू झाल्याबद्दल अभिनंदन केले. सावंत यांनी गोव्यातील खनिज खाण व्यवसाय सुरू व्हावा, यासाठी भरपूर मेहनत घेतली आहे.
गोव्यात येणाऱ्या काळात खाणी सुरू करून खाण अवलंबित व कामगारांची सुरक्षा जपण्यासाठी पावले उचलली आहेत. त्याच अनुषंगाने खाण लीजांचा लिलाव करून खाणी सुरू करण्यासाठी पहिले पाऊल उचलले आहे. त्यासाठी मुख्यमंत्र्यांचे आम्ही अभिनंदन केले आहे, असे सिध्देश परब यांनी सांगितले.
मुख्यमंत्र्यांनी कामगारांना पूर्ण पाठिंबा दर्शवला असून मयेचे आमदार प्रेमेंद्र शेट व डिचोलीचे आमदार डॉ. चंद्रकांत शेट्ये यांनीही या कामगारांना पाठिंबा दिला आहे. डिचोली व राज्यातील बाजारपेठ व खाण व्यवसायाशी संबंधित व्यवसाय आता पुन्हा बहरणार आहे. त्यासाठी लोकांनीही खाण व्यवसायाला सहकार्य व पाठिंबा द्यावा, असे आवाहन परब यांनी केले.
सकारात्मक बाब!
खाणी सुरू करण्यासाठी सरकार प्रयत्न करीत आहे. सरकारने कामगारांना सदैव पाठिंबा दिला आहे. सरकारच्या या प्रयत्नांवर विश्वास ठेवून सेसा खाण कामगारांनी कंपनीत कामावर रुजू झाले, ही सकारात्मक बाब आहे.
सरकार कामगारांच्या हितासाठीच कार्यरत आहे. आगामी काळात खाण व्यवसाय निश्‍चित सुरू होणार आहे, असे मुख्यमंत्री डॉ. प्रमोद सावंत यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.