"...तर गोव्यात कोरोनाची चौथी लाट येण्याची शक्यता"

पणजी: राज्यातील ज्येष्ठ नागरिकांनी तसेच आजारी लोकांनी कोविडच्या सर्व नियमांचे पालन करावे, असे कोविड व्यवस्थापनावरील राज्य सरकारच्या तज्ज्ञ समितीचे सदस्य डॉ. शेखर साळकर यांनी सूचित केले आहे. गोव्यात (Goa) कोरोना रुग्णसंख्येत वाढ होण्याची भीती देखील त्यांनी व्यक्त केली आहे. (Goa may face fourth wave of COVID-19)

दिल्ली आणि उत्तर प्रदेश (Uttar Pradesh) सारख्या ठिकाणी सध्या कोविड (COVID-19) प्रकरणांमध्ये झपाट्याने वाढ होत आहे. या राज्यातील अनेक लोक गोव्याला नियमित भेट देतात तसेच गोव्यातून प्रवास करतात. गोवेकरांनी कोरोना नियमांचे पालन न केल्यास राज्याला कोरोना महामारीच्या चौथ्या लाटेचा फटका बसू शकतो, असे देखील डॉ. शेखर साळकर यांनी नमूद केले आहे.

डॉ. साळकर म्हणाले की, दिल्ली आणि उत्तर प्रदेशमध्ये कोविड रुग्णांच्या संख्येत वाढ झाल्याच्या पार्श्वभूमीवर राज्य सरकारने कोविड व्यवस्थापनावरील तज्ञ समितीची बैठक अद्याप बोलावलेली नाही. मला असेही वाटते की सरकारने महाराष्ट्राप्रमाणे गोव्याला मास्क मुक्त घोषित करू नये, ते पुढे म्हणाले.