Goa Assembly Monsoon Session: गेल्या दीड वर्षात वाहतूक अधिकाऱ्यांनी वाहनांच्या काचांना फिल्मिंग केलेल्या 1171 वाहनचालकांविरुद्ध कारवाई केली आहे. फिल्मिंग करून वारंवार वाहन नियमांचे उल्लंघन करणाऱ्या 70 वाहनमालकांविरोधात दंडात्मक कारवाई करण्यात आली आहे, अशी माहिती वाहतूकमंत्री माविन गुदिन्हो यांनी लेखी उत्तरादाखल माहिती दिली आहे. सांतआंद्रेचे आमदार वीरेश बोरकर यांनी विधानसभेत प्रश्‍न विचारला होता.
वाहनांच्या काचांना काळ्या फिल्मिंग केलेल्या किती जणांविरुद्ध गेल्या वर्षापासून ते आतापर्यंत कारवाई करण्यात आली आहे.
या काळ्या काचा वापरण्यासाठी राजकारणी, मंत्री, आमदार किंवा अतिमहनीय व्यक्तींना वगळण्यात आले आहे का, तसेच कितीजणांविरुद्ध वाहन नियमांचे वारंवार उल्लंघन करणाऱ्यांविरुद्ध कारवाई झाली आहे, असा प्रश्‍न आमदार वीरेश बोरकर यांनी विचारला होता.
मोटार वाहन कायद्यानुसार वाहनांच्या काचांना फिल्मिंग करण्यास बंदी आहे. त्यातून कोणालाही सूट नाही.
वाहनकाचांवर काळ्या फिल्मिंगप्रकरणी पहिल्यांदा गुन्हा नोंद झाल्यास ५०० रुपये दंड आहे, तर त्याच वाहनाविरुद्ध दुसऱ्यांदा गुन्हा नोंद झाल्यास १,५०० रुपये दंड आहे. त्यानंतरच्या त्याच गुन्ह्यासाठी दीड हजार रुपये दंड आहे, असे गुदिन्हो म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.