Suchana Seth CEO: सिकेरीतील हॉटेलमध्ये आपल्या चार वर्षाच्या मुलाची हत्या करणारी संशयित म्हंणून ताब्यात घेतलेली त्या मुलाची आई सूचना सेठ हिच्याबाबत आणि एकंदरीतच या प्रकरणाबाबत दिवसागणिक नवनवीन घडामोडी समोर येत आहेत. नुकतीच या प्रकरणाबाबत एक नवीन माहिती समोर येतेय.
सूचना सेठ हिच्या सामानाच्या बॅगेत आयलाइनरमध्ये टिशू पेपरवर लिहिलेली चुरगळलेल्या आणि फाडलेल्या अवस्थेतील एक नोट कळंगुट पोलिसांना मिळाली आहे. 5 ते 6 ओळींमध्ये इंग्लिशमध्ये ही नोट लिहिली असून तिच्या लिखाणावरून ती मानसिकदृष्ट्या खचलेली असल्याचे उघड होतंय.
त्यावरील मजकुरातून हे स्पष्ट होतेय की, सूचनाला आपल्या मुलाला वडिलांच्या ताब्यात देण्याची इच्छा नव्हती. तसेच तिने त्यात पती तिचा छळ करत असल्याचेही नमूद केले आहे.
पोलिसांनी तिच्या हस्ताक्षराचा पंचनामा घेतला आहे. तसेच मेडिकल चाचणी केली आहे. गुन्ह्यावेळी वापरलेले उशी, टॉवेल, बॅग, ती वाचत असलेली काल्पनिक कथांची पुस्तकं असे सर्व साहित्यही ताब्यात घेतले आहे.
दरम्यान तिच्या सहकाऱ्यांकडून मिळालेल्या माहिती नुसार सूचनाचे तिच्या मुलावर प्रेम होते. तिच्या मुलाचा चेहरा त्याच्या वडिलांसारखा दिसायचा.
त्यामुळे आपल्या मुलाचा चेहरा तिच्या नवऱ्याची म्हणजेच व्यंकटरमनची आठवण करुन देतो असेही तिने अनेक वेळा आपल्या सहकाऱ्यांना सांगितले होते. तसेच ती डिसेंबरमध्ये मुलासोबत सुट्टीसाठी गोव्यात आली असल्याची ही माहिती मिळाली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.