Goa Congress: सध्या सर्वच पक्ष 2024 च्या निवडणुका डोळ्यासमोर ठेऊन मोर्चेबांधणी करत आहेत. पक्षात आवश्यक ते बदल घडवत आहेत. निवडणुकीत जिंकून सत्ता स्थापन करण्याच्या अनुषंगाने सर्वच पक्षातील पदाधिकाऱ्यांकडे जाबदाऱ्या सोपवण्यात आल्या आहेत.
गोवा प्रदेश काँग्रेसच्या राज्य निवडणूक समितीच्या अध्यक्षपदी प्रदेशाध्यक्ष अमित पाटकरांची नियुक्ती करण्यात आलीय. या नियुक्तीचा आदेश दिल्लीतून जारी करण्यात आल्याची माहिती मिळाली आहे.
तसेच समितीच्या सदस्यांत युरी आलेमांव, गिरीश चोडणकर, फ्रांसीस सार्दीन, रमाकांत खलप, एल्टन डिकॉस्टा, कार्लुस फेरेरा, एम.के शेख, डॉ. प्रमोद साळगांवकर, शंभू बांदेकर यांचा समावेश असल्याची माहिती मिळाली आहे.
दोन आठवड्यापूर्वी गोवा कॉंग्रेसच्या प्रभारीपदी माणिकराव ठाकरेंची नियुक्ती करण्यात आली आहे. तर काँग्रेस नेते गिरीश चोडणकर यांच्याकडे त्रिपुरा, सिक्कीम, मणिपूर आणि नागालॅण्ड या चार राज्यांची जबाबदारी देण्यात आली आहे.
तर गोवा प्रमुख माणिकराव ठाकरे यांनी लोकसभा 2024 निवडणुका आणि 2027 मधील विधानसभा निवडणुकीतही पक्ष जिंकेल, असा विश्वास व्यक्त केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
