Mapusa Accidental Death: एकतानगर-म्हापसा येथील गृहनिर्माण मंडळाच्या वसाहतीजवळ एका घराची सेप्टिक टँक उपसण्यासाठी टँकमध्ये उतरलेल्या कामगाराचा गुदमरून मृत्यू झाला होता. याप्रकरणी आवश्यक सुरक्षा उपकरणे न पुरवता, निष्काळजीपणे सेप्टिक टँक साफ करण्यास कामगारास टाकीत उतरविल्याप्रकरणी म्हापसा पोलिसांनी बाप-लेकीवर गुन्हा नोंद केला.
म्हापसा पोलिसांनी उर्जन कल्सनार व रेणुका यांच्यावर या संशयित बाप-लेकीविरुद्ध भादंसंच्या कलम 304 (अ) अन्वये गुन्हा नोंद केला. पोलिसांच्या माहितीनुसार, ही घटना 11 जानेवारी रोजी रात्री 10.30 वा. घडली होती.
या दुर्घटनेत यमनाप्पा मदार (24, रा. म्हापसा, मूळ-बेळगाव) या कामगाराचा दुर्दैवी मृत्यू झाला होता. संशयिताच्या घराचा सेप्टिक टँक साफ करण्याचे काम चार कामगारांनी हाती घेतलेले.
यातील यमनाप्पा हा कामगार टँकमध्ये उतरला होता. मात्र, गुदमरल्याने तो या टाकीत बेशुद्ध होऊन पडला. त्यास अग्निशमन दलाच्या कामगारांनी बाहेर काढले व इस्पितळात नेले. मात्र, तेथील डॉक्टरांनी त्याला मृत घोषित केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.