जुनस वाडा-मांद्रे परिसरात काल सायंकाळी आमदार जीत आरोलकर यांना वाहतूक नियंत्रणासाठी रस्त्यावर उतरण्याची वेळ आली. भूमिगत वीजवाहिन्यांसाठी रस्त्याचे खोदकाम वीज खात्याकडून सुरू आहे. आधीच अरुंद रस्ते आणि त्यात पडलेली माती, त्यामुळे रहदारीत अडचणी येत होत्या.
दरम्यान, याठिकाणी पाऊण तास वाहतूक कोंडी झाली. ही माहिती आरोलकर यांना मिळताच त्यांनाच वाहतूक कोंडीवर नियंत्रण आणण्याचे काम करावे लागले. त्यांनी बराच वेळ रस्त्यावर थांबून चालकांना दिशा दाखवून वाहतुकीवर नियंत्रण मिळविले.
दोन-तीन महिन्यांपासून मांद्रेतील रस्ते फोडण्याचे काम वीज खात्याकडून सुरू आहे. रस्त्यांचे खोदकाम सुरू असलेल्या ठिकाणी दिशादर्शक किंवा धोकादायक रस्त्याची सूचना देणारे फलकही लावलेले नाहीत. साधा वाहतूक पोलिसही तैनात नाही. त्यामुळे एका कार्यक्रमासाठी निघालेल्या आरोलकर यांनाच कोंडीत अडकल्यानंतर रस्त्यावर उतरून वाहतूक नियंत्रण करावे लागले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
