Two Accused Remanded Ten Days PC In Kamakshi Murder Case: प्रेमसंबंध तोडले आणि बोलणे बंद केल्याने रागाच्या भरात कळंगुटमधील बुटीकमध्ये सेल्स गर्ल म्हणून काम करणारी कामाक्षी उड्डापनोवा या तरुणीचा तिच्या प्रियकराने खून केल्याची घटना शुक्रवारी उघडकीस आली होती.
या प्रकणात पोलिसांनी दोघा संशयितांना अटक केली होती. दरम्यान दोघांना शनिवारी न्यायालयात हजर केले असता न्यायालयाने 10 दिवसांची पोलीस कोठडी सुनावली आहे.
संशयितांमध्ये तिचा एक्स प्रियकर फकीर उर्फ प्रकाश चुंचवाड व त्याचा मित्र निरुपदी कडाकक्ल याला अटक करण्यात आली. मृतदेहाची विल्हेवाट लावण्यासाठी प्रकाशला त्याचा मित्राने मदत केली होती.
प्रियकराने 30 ऑगस्ट रोजी सकाळी 9च्या सुमारास कामाक्षीचा तिच्याच फ्लॅटवर जाऊन खून केला. तिचा मृतदेह चारचाकीतून आंबोली घाटातील घनदाट जंगलात फेकला. कामाक्षीच्या भावाने पर्वरी पोलिस स्थानकात कामाक्षीचे अपहरण तसेच ती बेपत्ता झाल्याची तक्रार दिली.
तक्रारीच्या आधारे पोलिसांनी तपास केला असता कामाक्षीचा मृतदेह आंबोली घाटात फेकल्याचे संशयिताने सांगितले. पाच तासांच्या अथक प्रयत्नानंतर सावंतवाडी पोलिस व पर्वरी पोलिसांनी मृतदेह बाहेर काढला मात्र तिच्या उजवा हात आणि पायाचा काही भाग मिळाला नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.