Liquor Seized: मडगावातून कर्नाटकात मद्याची वाहतूक, चोर्ला घाटात 36 लाखांचे अवैध मद्य जप्त

Goa Made Liquor Seized

मडगावातून कर्नाटकात मद्याची वाहतूक करणारा ट्रक गुन्हे शाखेच्या अधिकाऱ्यांनी रोखून कारवाई केली. ट्रकमधून तब्बल 36 लाखांचे अवैध मद्य जप्त करण्यात आले आहे.

याप्रकरणी दोघांना ताब्यात घेण्यात आले असून, अधिक तपास केला जात आहे.

मिळालेल्या माहितीनुसार, मडगावातून कर्नाटकात अवैध पद्धतीने मद्याची वाहतूक केली जात होती. गुन्हे शाखेच्या अधिकाऱ्यांनी संशयित ट्रकची तपासणी केली असता अवैध मद्यसाठा आढळून आला.

ट्रकातून 72 हजार मद्याच्या बाटल्या जप्त करण्यात आल्या असून, त्याची किंमत 36 लाख रुपये असल्याचे सांगितले जात आहे. गुन्हे शाखेच्या अधिकाऱ्यांनी याप्रकरणी दोघांना ताब्यात घेतले असून, अधिक तपास सुरु आहे.

फोंड्यात 54 हजारांचे मद्य जप्त

फोंड्यात एका दुकानात अवैध पद्धतीने साठवणूक केलेला 54 हजार रुपयांचा मद्यसाठा फोंडा पोलिसांनी जप्त केला आहे. पोलिसांनी 244 मद्याच्या बाटल्या जप्त केल्या आहेत.