Goa Liquor Seized: 'जय माँ लक्ष्मी' होता कोड, छत्तीसगडमध्ये 1 कोटीची गोवा बनावटीची कंटेनर भरुन दारु जप्त; भूतान परमिटचा वापर

Chhattisgarh Crime News: आगामी महापालिका निवडणुकीत वापरासाठी हे मद्य छत्तीसगडमध्ये आणल्याचे उघड झाले आहे.
Goa Liquor Seized in Chhattisgarh
Goa Liquor Seized in Chhattisgarh
Published on
Updated on

छत्तीसगड: महापालिका निवडणुकीपूर्वी उत्पादन शुल्क विभागाने मोठी कारवाई केली आहे. गोव्यातून आलेले एक कोटीहून अधिक किमतीची अवैध विदेशी मद्य जप्त करण्यात आलंय. राज्य आणि विभागीय पथकाने संयुक्त पद्धतीने ही कारवाई केली.

कंटेनरमधून इंग्रजी दारूचे 1000 बॉक्स जप्त करण्यात आलेत. संशयितांनी मद्य वाहतुकीसाठी बनावट भूतान परमिट वापरल्याचे उघडकीस आले आहे.

आगामी महापालिका निवडणुकीत वापरासाठी हे मद्य छत्तीसगडमध्ये आणल्याचे उघड झाले आहे. यात होलोग्राम नसलेल्या बॉक्सेसचाही समावेश होता. बिलासपूरमध्ये दारू उतरवण्यासाठी 'जय माँ लक्ष्मी' कोड वापरला जात होता. उत्पादन शुल्क विभागाच्या पथकाने कारवाई करत छटौनाजवळ कंटेनर थांबवला. यानंतर कंटेनरची झडती घेण्यात आली. यावेळी मोठ्या प्रमाणात अवैध दारूचा साठा करण्यात आला.

Goa Liquor Seized in Chhattisgarh
Goa Police: गोव्यात येऊन गुंडगिरी कराल तर खबरदार; हुल्लडबाज पर्यटकांना DGP यांचा सज्जड दम

यानंतर पथकाने ड्रायव्हर आणि डिलिव्हरी बॉयला अटक केली. चौकशीत ही दारू पंकज सिंह आणि जय बघेल यांच्या नावाने बिलासपूर येथे पोहोचवली जाणार होती, अशी माहिती समोर आली आहे. छत्तीसगडमधील अवैध दारू धंद्यावरील आतापर्यंतची सर्वात मोठी कारवाई मानली जात आहे.

पंकज आणि जय बघेल हे बिलासपूरचे रहिवासी असल्याचे सांगण्यात येत आहे. मात्र, अद्याप या लोकांची ओळख पटवण्यात पोलिसांना यश आलेले नाही. अवैध दारूप्रकरणी तपास सुरू असल्याची माहिती उत्पादन शुल्क विभागाच्या अधिकाऱ्यांनी स्थानिक वृत्तपत्राला दिली आहे.

Goa Liquor Seized in Chhattisgarh
Curchorem Helmet Man: डोक्यावर हेल्मेट, अंगावर कपडे नाही; कुडचड्यात नग्नावस्थेत फिरून महिलांना करतोय लक्ष्य; Video Viral

महापालिका निवडणुकीत मतदानापूर्वी भाजपचे नगरसेवक श्याम कार्तिक यांना स्थानिक लोकांनी पैसे वाटताना पकडले. घाबरलेल्या उमेदवार श्याम यांनी पैशांनी भरलेला लिफाफे नाल्यात फेकले, त्याचा व्हिडिओ सध्या व्हायरल होत आहे. स्थानिकांनी नाल्यातून लिफाफे बाहेर काढले. 10-15 लिफाफ्यात 200-200 च्या नोटा आढळून आल्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com